Media release: 21 July 2022
Kua tuwhera ngā tono mō ngā pūtea a Ngā Kōrero Tuku iho me Whiria Te Mahara mā ngā kaupapa ā-hapori / Applications Invited for Oral History and History Grants for Community-led Projects
Kua tuwhera ngā tono mō ngā pūtea a Ngā Kōrero Tuku iho me Whiria Te Mahara mā ngā kaupapa ā-hapori
Kei te tuwhera ngā tono mō ngā pūtea ā-tau e rua a te Manatū Taonga e pā ana ki te hītori: ko Ngā Kōrero Tuku Iho, Piki Ake! Kake Ake! me Whiria Te Mahara.
Kei te whakahau te Manatū Taonga i te hunga e whai ana i ngā kaupapa hītori e kōkirihia ana e te hapori ki te tono mō ēnei tahua pūtea, otirā, kei te rapu hoki mātou i ngā kaupapa e tūhura ana i te hītori a te Māori, a ngā iwi o Te Moananui-a-Kiwa hoki.
Kei te reo Māori me te reo Pākehā ngā pukatono me ngā whakamārama mō ngā here a ngā pūtea e rua. Kei te reo Hāmoa me te reo o Tonga hoki ngā whakamārama mō te pūtea mō ngā kōrero tuku iho ā-waha.
Ngā Kōrero Tuku Iho, Piki Ake! Kake Ake! ki ngā kaupapa kōrero tuku iho ā-waha a te hapori e whakaata ana i ngā tuakiri me ngā tirohanga rerekē ki te hītori o Aotearoa me ō tātou hononga tata ki Te Moananui-a-Kiwa. Kei te takiwā o te $100,000 te nui o te pūtea, ā, e $5,000 ki te $10,000 te nui o te pūtea e whakawhiwhia ana ki ngā kaitono hei hāpai i a rātou kaupapa. Kei te rapua ngā tono mō ngā kaupapa kōrero tuku iho ā-waha, ahakoa te reo kōrero.
He mea takoha ngā moni a ēnei pūtea ki Aotearoa mai i te kāwanatanga o Ahitereiria i te tau 1990 hei whakanui i te huringa o te 150 tau mai i te hainatanga o Te Tiriti o Waitangi.
“Mai anō i te tau 1991, kua tukuna te $2.3 miriona hei tautoko i ngā kaupapa kōrero tuku iho ā-waha rerekē, arā, kei te takiwā o te 500 te nui o ngā kaupapa,” te kī a te Pou Mataaho o Te Hua (kaiwhakakapi) o te Manatū Taonga, a Neill Atkinson. “Koinei anake ngā tahua pūtea e tautoko ana i ngā kaupapa kōrero tuku iho ā-waha ki Aotearoa, e hāpai ana i ngā hapori ki te hopu, ki te pupuri, ki te whakanui i ā rātou hītori.”
I te roanga o tērā 30 tau, kua tautoko ēnei tahua pūtea i te huhua o ngā kaupapa. I te tau 2021, ka tūhuratia e ngā kaiwhiwhi pūtea ngā kaupapa pērā i ngā ringatoi karawhiti o te ao hou, i ngā tāngata nō Hanekeria e noho ana ki Aotearoa, i te urupare a Te Arawa ki te mate Kōwheori-19 me ngā mahi tohorā ki Kaitāia. Ko ngā kōrero nō Te Moananui-a-Kiwa i whakawhiwhia ki te pūtea i te tau 2021 ko ngā kōrero a ngā whānau nō Tuvalu me Tokelau mō tō rātou whakarerenga atu i te kāinga nā te pikinga ake o te tai ki ō rātou motu, ko te kōrero a Falema’i Lesa mō tana tono pīra i te whakahētanga o tāna kōkota i te tau 1982 me te mahi Fagatua, arā, ko te mahi mamau nō Tokelau.
Ka kati ngā tono ā te 25 o Whiringa-ā-nuku, 2022.
Mō ētahi atu kōrero me te pukatono, tirohia: https://mch.govt.nz/funding-nz-culture/ministry-grants-awards/new-zealand-oral-history-awards
Ko te kaupapa o te tahua pūtea o Whiria Te Mahara, he tautoko i ngā pou hītori, i ngā kairangahau me ngā kaituhi ki te whakatutuki i ngā kaupapa ā-tuhi mo tētahi take tūturu e whakapiki ake ana i tō tātou mōhiotanga ki te hītori o tō tātou whenua. I ia tau, kei te takiwā o te $100,000 te nui o te pūtea e tukuna ana ki ngā kaupapa nei, ā, kua eke te nui o te pūtea e whakawhiwhia ana ki ia kaitono ki te $12,000.
“I ngā tau o mua, kua tukuna tēnei pūtea ki ngā kaupapa pukapuka, ki ngā pae ipurangi rānei e pānuitia ana e te iwi whānui. Kei te hiahia mātou ki ngā tono mō ngā kaupapa e pā ana ki te hītori o ngā hapori Māori me ērā o Te Moananui-a-Kiwa. Kei te wātea tonu tēnei pūtea ki ngā kaupapa ā-rohe, ki ngā kaupapa ā-whānau rānei, heoi, me whakamārama noa mai te hua o te kaupapa ki te whakapikinga ake o te mōhiotanga ki te hītori o te whenua.”
I te tau 2021 ka tūhura ngā kaiwhiwhi pūtea i ngā kaupapa pērā i te hītori o te Flying Nun Records, i te whanaungatanga i waenga i te iwi o Haina me Aotearoa i ngā tau 1930 ki 1940 me te oranga o ngā tāngata rongonui o Aotearoa pērā i te kaihoahoa whare, i a Rewi Thompson rāua ko te ringa toikupu, ko Ruth Dallas.
Ka kati ngā tono ā te 15 o Whiringa-ā-nuku, 2022.
Mō ētahi atu kōrero me te pukatono, tēnā koa tirohia: https://mch.govt.nz/funding-nz-culture/ministry-grants-awards/new-zealand-history-research-trust
Applications Invited for Oral History and History Grants for Community-led Projects
Applications are now open for two annual history grants administered by Manatū Taonga Ministry for Culture and Heritage: Ngā Kōrero Tuku Iho, Piki Ake! Kake Ake! Oral History Grants and the Whiria Te Mahara New Zealand History Grants.
Manatū Taonga encourages anyone undertaking community-led history projects to apply for these funding opportunities, with projects exploring Māori and Pacific history particularly welcome.
Once again, we are pleased that the application forms and terms and conditions for both funds are available in te reo Māori and English. Information about the oral history grants is also available in Samoan and Tongan.
Ngā Kōrero Tuku Iho, Pike Ake! Kake Ake! New Zealand Oral History Grants are available for community-led oral history projects which reflect diverse identities and perspectives relating to the history of Aotearoa and its close relationships with the Pacific. There is around $100,000 available, with successful applicants generally receiving between $5,000 and $10,000 towards their projects. Applications for oral history projects conducted in any language are welcome.
Money for these grants was gifted to Aotearoa from the Australian government in 1990 to honour 150 years of Te Tiriti o Waitangi.
“Since 1991, $2.3 million of funding has been awarded towards almost 500 diverse oral history projects,” says Manatū Taonga Pou Mataaho o Te Hua Deputy Chief Executive, Delivery (Acting) Neill Atkinson. “These are the only grants in Aotearoa which specifically support oral history projects, empowering communities to record, store and celebrate their history.”
Over its 30 years, the grants have supported a wide array of projects, with 2021 recipients exploring topics including the lives of contemporary graffiti artists, Hungarians in New Zealand, Te Arawa’s Covid-19 response and tohorā (whale) encounters in Kaitaia. Pacific stories which received funding in 2021 included accounts of Tuvaluan and Tokelauan families moving to Aotearoa to escape sea level rise, the story of Falema’i Lesa’s journey to appeal her visa overstay conviction in 1982, and Fagatua, the indigenous wrestling of Tokelau.
Applications close on 25 October 2022.
For more information and the application form please see: https://mch.govt.nz/funding-nz-culture/ministry-grants-awards/new-zealand-oral-history-awards
Whiria Te Mahara New Zealand History Grants support historians, researchers and writers working on non-fiction written projects that will significantly enhance our understanding of our country’s past. Each year around $100,000 is awarded, with successful applicants receiving up to $12,000 towards their projects.
“Since its inception in 1990, more than $3 million dollars has gone toward supporting over 300 projects that bring the history of Aotearoa to life,” says Neill Atkinson.
“Traditionally, funding has been awarded for book or web projects with a wide target readership. We are particularly keen to receive applications for projects relating to the history of Māori and Pacific communities. If your topic is regional, or about your family, you’re welcome to apply, we just need to know how the project would enhance understanding of the nation’s history.”
Recipients of the grants in 2021 explored topics such as the history of Flying Nun Records, Chinese and New Zealand relations in the 1930s and 40s, and the lives of prominent New Zealanders including architect Rewi Thompson and poet Ruth Dallas.
Applications close on 15 October 2022.
For more information and the application form please see: https://mch.govt.nz/funding-nz-culture/ministry-grants-awards/new-zealand-history-research-trust
Updated on 26th October 2022