Skip to main content

Kua tuwhera te tono Pūtea Whakanui i te Ra o Waitangi

Media release: 23 August 2019

E whakaaetia ana e Te Manatū Taonga i tēnei wā ngā tono pūtea mō ngā huihuinga o te 2020 ka whakanui i te waitohutanga o Te Tiriti o Waitangi.

E tuwhera ana te Pūtea Whakanui i te Rā o Waitangi ki ngā tono a ngā rōpū whakahaere huihuinga hapori e whakatairanga ana i te whanaketanga o te motu i runga i te whai wāhi atu a te hapori whānui, me te whakahau anō kia whakanuia te tuakiritanga kauawhi i te katoa o Aotearoa.

E āta whakatenatenahia ana ngā hōtaka e whakaahua ana i ngā hononga i waenga i te iwi, i te marae, te kāwanatanga ā-rohe, me ngā rōpū hapori.

E hiahia ana Te Manatū Taonga kia kite i te maha ake o ngā huihuinga mō te Rā o Waitangi Day e āhei atu ai te katoa o te hapori, tae atu ki te hunga hauā. 

I tautokona e te pūtea ētahi huihuinga e 46 i te whānuitanga atu o te motu i tēnei tau. Ko ētahi o ēnei ko te whakamaharatanga ā-motu ki Waitangi; ko tētahi raupapa hui whāiti kōrero ā-hapori; ko tētahi tāpoinga taonga tuku iho runga pahi; ko te waka ama me ētahi whakakitenga ahurea; ētahi mahi mātauranga mā ngā hapori manene; me ētahi huihuinga hapori i tū ki te marae.

Kei tōna $1000 ki te $5000 ngā whakawhiwhinga pūtea whānui, ka mutu, ka kati ngā tono a te 5 i te ahiahi o te Rāhina, te 14 o Whiringa-ā-nuku 2019. 

E watea ana ngā pārongo me te puka tono i te pae tukutuku a te Manatu: https://mch.govt.nz/funding-nz-culture/ministry-grants-awards/commemorating-waitangi-day-fund

Mō ētahi atu pārongo waea mai koa ki (04) 499 4229 me īmēra mai rānei ki te waitangi.fund@mch.govt.nz

 

Ka mutu

Whakapā mai ki a: Christine Seymour, waea 027 807 9400, christine.seymour@mch.govt.nz

 


Updated on 27th August 2019