Media release: 30 September 2021
E whakahau ana te Manatū Taonga i te hunga e kōkiri ana i ngā kaupapa hītori a te hapori ki te tono pūtea i ngā tahua pūtea a Ngā Kōrero Tuku Iho Piki Ake! Kake Ake! me Whiria te Mahara i mua i te katinga o ngā tono ā te 15 o Whiringa-ā-nuku.
Kātahi anō ka whakarewāina tēnei tono i te reo Māori. Hei tāpiri atu, kei te reo Hāmoa me te reo Tonga hoki ngā puka tono a Ngā Kōrero tuku Iho Piki Ake! Kake Ake!
"He ara anō te whakawhitinga o ēnei kōrero ki reo kē ki te whakahau i te iwi Māori me ngā hapori o Te Moananui-a-Kiwa ki te tono mai ki tēnei tahua pūtea. Kei te akiaki mātou i ngā tāngata katoa e kōkiri ana i tētahi kaupapa hītori i waenga i tō rātou hapori ki te tono mai. Kei te āta kimi hoki mātou i ngā tono e whai ana i ngā kōrero tuku iho a te Māori me ngā iwi o Te Moananui-a-Kiwa," te kī a te Tumu Kōrero Matua o te Manatū Taonga, a Neill Atkinson.
Kotahi rau mano tāra te nui o te moni e wātea ana ki ngā kaupapa hopu kōrero tuku iho e kōkirihia ana e te hapori i te tahua pūtea o Ngā Kōrero Tuku Iho Piki Ake! Kake Ake!. Me kite ake ngā tuakiri me ngā tirohanga rerekē e pā ana ki te hītori o Aotearoa me te whanaungatanga atu ki Te Moananui-a-Kiwa. Kei te kimihia ngā tono mō ngā kaupapa hopu kōrero tuku iho, ahakoa te momo reo.
He mea takoha te moni mō ēnei tahua pūtea i te kāwanatanga o Ahitereiria i te tau 1990, hei whakanui i te huringa o te 150 tau i te hainatanga o Te Tiriti o Waitangi. I whakawhiwhia ngā tono pūtea tuatahi i te tau 1991, ā, mai anō i taua wā, e $2.3 miriona tāra te nui o te pūtea i tukuna ki ngā kaupapa hopu kōrero tuku iho, arā, e 477 te nui. Koia anake ngā tahua pūtea o Aotearoa e tautoko ana i ngā kaupapa kōrero tuku iho. Otirā, nā te pūtea nei, kua hopukina, kua mau, kua whakanuia te hītori o te huhua o ngā hapori.
I ngā tau 30 kua pahure, kua tautoko ngā tahua pūtea i ngā kaupapa e tūhura ana i te ao o ngā kaimahi o te Whare Patu Mīti o Waikawa, o ngā Hillside Railway Workshops o Ōtepoti, o ngā tangata taketake o Whīti e noho ana ki Te Whanganui-a-Tara, o te hunga rangatahi e pāngia ana e te mate ME, i te hunga whakawhiti ira me te rōpū i whakatū i te punanga o Zealandia ki Karori.
He tini kē ngā kaupapa kōrero tuku iho Māori i whai pūtea, arā, ko ērā e tūhura ana i te oranga o ngā wāhine o Ngāti Toa, i te mātauranga tuku iho o Ngāti Kurī e pā ana ki ngā rākau taketake, i ngā maharatanga o ngā kōhine i haere ki te Kura Kōhine Māori o Hato Hōhepa ki Ahuriri me te hunga i mōhio ki a Tahupōtiki Wiremu Rātana.
Kotahi mano tāra hoki te nui o te pūtea rangahau o Whiria te Mahara hei tautoko i ngā mātanga hītori, i ngā kairangahau me ngā kaituhi e mahi ana i ngā kaupapa ā-tuhi pono hei hāpai i tō tātou māramatanga ki ngā kōrero o mua mō tō tātou whenua. Nō te orokohanga mai o te kaupapa i te tau 1990, e $3.3 miriona tāra te nui o te pūtea i tukuna ki ngā kaupapa e whakaara ake ana i te hītori o Aotearoa, arā, neke atu i te 300 te nui.
E whakaū ana ngā āhuatanga pērā i te mate KOWHEORI me te kupu whakapāhā mō ngā Urutomo o te Atatū i te nui o ngā kōrero me ngā tuhinga tuku iho ki waenga i ngā hapori. E tū whakaiti ana te Manatū Taonga i te huhua o ngā kaupapa i whāngaihia e rātou i ngā 30 kua pahure - e taea ai e ngā hapori maha ki te tūhura i te hōhonutanga o ō rātou ake tū ki Aotearoa," te kī a Neill Atkinson.
Ka kati ngā tono mō ngā tahua pūtea e rua ā te 15 o Whiringa-ā-nuku, 2021. Haere ki te pae tukutuku o Manatū Taonga ki te rapu i ētahi atu kōrero, ki te tono hoki ki Ngā Kōrero Tuku Iho Piki Ake! Kake Ake!, ki Whiria te Mahara rānei.
Funding Available For Community-led History Projects
Manatū Taonga Ministry for Culture and Heritage encourages people undertaking community-led history projects to apply for funding through Ngā Kōrero Tuku Iho Piki Ake! Kake Ake! New Zealand Oral History Grants and Whiria te Mahara History Research Grants before applications close on 15 October.
For the first time, application forms for both grants are available in te reo Māori. In addition, forms for the Oral History Grants are also available in Samoan and Tongan.
"Translating the information about these awards is another way to encourage iwi Māori and Pacific communities to access this funding. We encourage anyone interested in leading a history project in their community to apply, and we especially welcome applications exploring Māori and Pacific history," says Manatū Taonga Chief Historian Neill Atkinson.
Ngā Kōrero Tuku Iho Piki Ake! Kake Ake! New Zealand Oral History Grants have $100,000 available for community-led oral history projects which reflect diverse identities and perspectives relating to the history of Aotearoa and its close relationships with the Pacific. Applications for oral history projects conducted in any language are welcome.
Money for these grants was gifted to Aotearoa from the Australian government in 1990, to honour 150 years of Te Tiriti o Waitangi. The grants were first awarded in 1991, and since then, $2.3 million has helped fund 477 oral history projects. These are the only grants in Aotearoa which specifically support oral history projects, and have allowed many communities to record, store and celebrate their history.
Over its 30 years, the grants have supported projects exploring the lives of the workers at Picton’s Freezing Works and at Dunedin’s Hillside Railway Workshops, indigenous Fijians living in Wellington, young people living with ME, trans people, and those who helped establish Zealandia in Karori.
Many Māori oral history projects have been funded, including those which explored the lives of Ngāti Toa women, Ngāti Kuri’s traditional use of indigenous plants, the experiences of girls who attended St Joseph’s Maori Girl’s College in Napier, and those who knew Tahupōtiki Wiremu Rātana.
Whiria te Mahara History Research Grants also have $100,000 to support historians, researchers and writers working on non-fiction written projects that will significantly enhance our understanding of our country’s past. Since its inception in 1990, $3.3 million dollars has gone toward supporting over 300 projects that bring the history of Aotearoa to life.
"Circumstances such as COVID and the Dawn Raids apology event have reinforced the value that oral history and written histories have within communities. Manatū Taonga is proud of the huge variety of projects that have been funded over the last 30 years, which have allowed diverse communities to explore their own rich vein of experience in Aotearoa," says Neill Atkinson.
Applications for both grants close on 15 October 2021. For more information and to apply to either Ngā Kōrero Tuku Iho Piki Ake! Kake Ake! New Zealand Oral History Grants, or Whiria te Mahara History Research Grants head to the Manatū Taonga website.
Updated on 15th October 2021